Landsbankinn hf.: Útgáfa skuldabréfa í sænskum krónum

Landsbankinn lauk í dag sölu á skuldabréfum með breytilegum vöxtum til þriggja ára að fjárhæð 500 milljónir sænskra króna. Skuldabréfin voru seld á kjörum sem jafngilda 90 punkta álagi á þriggja mánaða millibankavexti í sænskum krónum.

Skuldabréfin verða gefin út undir EMTN útgáfuramma bankans og er stefnt að töku til viðskipta í írsku kauphöllinni þann 28. ágúst 2025.

Umsjónaraðili sölunnar var SEB.